Актуарска и финансиска математика
Студиската програма по АКТУАРСКА И ФИНАНСИСКА МАТЕМАТИКА од првиот циклус студии има за цел со своите наставни содржини, облици и методи на настава, да им овозможи на студентите стекнување темелни математички знаења и разбирања на резултатите од областа на актуарската и финансиската математика, веројатноста, математичката статистика, операционите истражувања и оптимизацијата. Покрај тоа, студентите се запознаваат, преку повеќе специјализирани предмети, со математичките методи и модели во економијата, со теоријата на игри, актуарството, нумеричките методи во финансиската математика, економетријата и др.
Освен теориските знаења, преку овие студии можат да се развијат вештини и способности на самостојно моделирање и креативно решавање на проблеми од непосредното економско и финансиско опкружување. Студентите се оспособуваат за користење аналитични методи при управување со ризик, управување со финансискиот имот, пресметување на осигурителни премии, донесување оптимални одлуки во детерминистичко и стохастичко опкружување. Покрај тоа, на овие студии студентите развиваат способност за разбирање на математичките докази, а со тоа и со логичкото аргументирање во општи ситуации. Студиите ги оспособуваат кандидатите и за натамошно самообразование од полето на математиката и економијата. Во рамките на предложенава студиска програма, предвидено е изведување практична настава (од најмалку 30 дена годишно) којашто е во функција на практичното усовршување на студентите.
Освен теориските знаења, преку овие студии можат да се развијат вештини и способности на самостојно моделирање и креативно решавање на проблеми од непосредното економско и финансиско опкружување. Студентите се оспособуваат за користење аналитични методи при управување со ризик, управување со финансискиот имот, пресметување на осигурителни премии, донесување оптимални одлуки во детерминистичко и стохастичко опкружување. Покрај тоа, на овие студии студентите развиваат способност за разбирање на математичките докази, а со тоа и со логичкото аргументирање во општи ситуации. Студиите ги оспособуваат кандидатите и за натамошно самообразование од полето на математиката и економијата. Во рамките на предложенава студиска програма, предвидено е изведување практична настава (од најмалку 30 дена годишно) којашто е во функција на практичното усовршување на студентите.
Студиската програма дава можност за понатамошна континуирана едукација на повисоко ниво на студии – втор циклус студии, организиран од Институтот за математика и тоа, конкретно во студиската програма, т.е. насоката Математичка статистика, актуарство и математичко моделирање во економија, но и во други области на математиката (теориска или примената, односно студентот има право, доколку има положено соодветни задолжителни и изборни предмети (за кои се изјаснува колегиумот на вториот циклус студии) да се запише било на теориската насока од вториот циклус студии – Математички науки и примени, односно применетата насока - Нумеричка оптимизација и апроксимации, или на насоката Математичко образование во основно и средно училиште).
Copyright © 2015 ИМ-ПМФ
