Konferencija za obrazovanieto po prirodni nauki i matematika

Почетна > Наука > Конференции > Конференции за образование > Конференција за образованието по природни науки и математика, 23-24 март 2018

Конференција за образованието по природни науки и математика, 23-24 март 2018

ЗБОРНИК НА ТРУДОВИ ОД КОНФЕРЕНЦИЈАТА
(електронско издание)

27.09.2018 Зборник на трудови од Меѓународната конференција за образованието по природни науки и математика (ПМФ, 23-24. III 2018)

ЗА КОНФЕРЕНЦИЈАТА ВО МЕДИУМИТЕ

СООПШТЕНИЕ ЗА РЕГИСТРАЦИЈА
15.03.2018

Почитувани колеги,
Регистрацијата за Конференцијата ќе се одвива во следниве термини:

23.03.2018 (петок) во периодот од 8.30 до 16.00 часот
24.03.2018 (сабота) во периодот од 9.00 до 14.00 часот.

Програмата на конференцијата може да се погледне овде.
Ве очекуваме!

ТРЕТО СООПШТЕНИЕ
14.02.2018

„Меѓународна конференција за образованието по природни науки и математика“
Скопје, 23 - 24 март 2018

Време на одржување: 23-24 март 2018
Место на одржување: Природно-математички факултет, ул. „Архимедова“ 3, 1000 Скопје

Поради големиот интерес за конференцијата и од други оправдани причини, местото на одржување на Конференцијата, во однос на првото соопштение е променето.

Основна цел

Целта на конференцијата е во време на чести реформи во образованието, преку предавања, излагања, дискусии, да се изведат заклучоци за состојбите во образованието кои ќе се искористат за подобрување на идните стратегии и правци за престојните промени.

Како наставен кадар и директни актери во образованието, сите ние чувствуваме потреба личните искуства да ги споделиме и низ разни активности на научен собир да ги согледаме потребите на учениците и наставниците, знаењето на учениците, оценувањето и постигнувањата на учениците во редовната настава и на меѓународните тестови, наставните планови и програми, методолошките пристапи, сите забелешки за и против Кембриџ програмите, користената литература, фондот на часови по природни науки и математика, модернизацијата на образованието – кога и како, професионалното усовршување на наставниот кадар, премините од предучилишно во основно образование и од основно во средно образование, дисконтинуитетот при ваквите премини, компатибилноста на наставните програми со потребите, инфраструктурната подготвеност на училиштата (лаборатории, практична настава), работата со талентираните ученици и се друго поврзано со работата во образовниот процес.

Ве покануваме да земете активно учество во работата на конференцијата и заедно да придонесеме за подобрување на образованието на нашите ученици.

Теми на конференцијата:

Наставни планови и програми,
современи методи и техники во наставата, образовни стандарди,
учебници и литература, истражувања во образованието, воннаставни активности,
доживотно учење и професионален развој,
вреднување на постигнувањата на учениците и наставниците,
лабораториски активности и практична работа, образовна технологија, меѓупредметна корелација.

Очекувања
Преку предавања на поканети предавачи од регионот, усни презентации, тркалезна маса и дискусија, учесниците да се запознаат со добри практики во регионот, да се согледаат сите добри страни и недостатоци на образованието по природни науки и математика во Македонија и врз основа на излагањата на учесниците на собирот и зборникот на трудови што ќе биде издаден, да се донесе заклучок за потребите, предизвиците, формите и правците каде треба да се насочиме при реформите во образованието по природни науки и математика.

Поканети предавачи

Зорана Лужанин, Србија
Тони Чехларова, Бугарија
Барбара Ровшек, Словенија
Маја Гајдарова, Бугарија
Аница Хрлец, Хрватска
Славољуб Радуловиќ, Србија

Јазик на конференцијата: македонски

Сесии

усни презентации во паралелни сесии
тркалезна маса и дискусии

Учесници

одделенски наставници (математика и природни науки),
наставници по природни науки,
наставници по математика, физика, хемија и биологија од основните и средните училишта,
универзитетски наставен кадар,
директори на училиштата, советници, инспектори, државни службеници од МОН, БРО, ДИЦ, ДПИ и др.

Учесниците може да се пријават само како слушатели (потребно е да испратат формулар за учество), само со презентација (потребно е покрај формуларот за учество, да испратат и проширен апстракт), со презентација и со труд, или, само со труд (потребно е покрај формуларот, да испратат апстракт/проширен апстракт и готов труд по теркот кој е достапен на веб страните).
Пријава за учество, апстракт/проширен апстракт и труд се праќаат на [email protected]
Готовите трудови испратени до 25.2.2018 година ќе бидат објавени во Зборникот на трудови што ќе биде печатен пред одржување на Конференцијата.

Котизација

При регистрација и плаќање на лице место, конференциските материјали ќе бидат достапни во ограничен број и ќе им бидат доделени на оние кои први ќе се регистрираат.
Котизацијата вклучува: Пакет конференциски материјали, сертификат за учество, зборник на трудови, освежување за време на кафе паузи, пладневна закуска за време на конференцијата

Важни датуми (крајни рокови за испраќање):

Пријава за учество (word документ)** 15.2.2018
Наслов, апстракт, проширен апстракт на предавањето (или готов труд)*** 25.2.2018(примерок за подготвување на трудовите)
Известување за прифатени трудови 7.3.2018
Плаќање котизација 10.3.2018

** Пријавата за учество, апстрактот/проширениот апстракт или трудот се праќаат на [email protected]

*** Готовите трудови испратени до 25.2.2018 година ќе бидат печатени во Зборникот на трудови што ќе биде печатен пред одржување на Конференцијата.

Контакти:
Доц. д-р Ристе Попески Димовски, 070 339 103, [email protected]
Доц. д-р Боце Митревски, 078 278 545, [email protected]
Доц. д-р Анета Гацовска Барандовска, 070 260 811, [email protected]

Организационен одбор