Асс. м-р Славица Грковска
Родена на 27 јули 1970 год. во Скопје, каде што завршила основно и средно училиште. Во 1988 год. се запишала на Природно-математичкиот факултет во Скопје, на студиите по математика. Дипломирала во 1992 год. На постдипломски студии по математика на ПМФ во Скопје се запишала во учебната 1993/94 год. Во октомври 1993 год. се вработила во НУБ "Св. Климент Охридски". Во април 1995 год. се вработила како стручен соработник на Институтот за математика на ПМФ во Скопје. Изведувала вежби по неколку предмети за студентите на ПМФ (на двопредметните студии математика-физика) и на Шумарскиот факултет. Била заменик водач на неколку натпреварувачки екипи (BMO 2000, Кишињев, Молдавија; JBMO 2000, Охрид, Р. Македонија; JBMO 2001, Никозија, Кипар; BMO 2002, Анталија, Турција). Учествувала на неколку конференции и конгреси со свои соопштенија (Second Macedonian Congress of Mathematics, Ohrid 2000; Bulgarian Spring Conference, Borovec, 2002; International Conference "Learning with Technologies in School, Home and Community", Manchester, Great Britain). Учествувала во два научно-истражувачки проекти: Геометриско-тополошки, диференцијално-геометриски и комбинаторни проблеми и нивни примени (1995-1997, раководител проф. д-р Дончо Димовски) Геометриско-тополошки, алгебарско комбинаторни проблеми и нивни примени (1999-2001, раководител проф. д-р Дончо Димовски). Имала еден студиски престој (3 месеци) на Институтот за математика и информатика при БАН во Софија, во рамките на DAAD проектот "Center of Excellence for Applications of Mathematics". Магистрирала во јуни 2010 година на тема од областа на проективната геометрија. Од септември 2002 до јуни 2011 била пратеник во Собранието на РМ. По завршувањето на мандатот во Собранието на РМ, во 2011 година даде отказ на работното место асистент.
Copyright © 2015 ИМ-ПМФ
