Библиотека

Почетна > За Институтот за математика > Библиотека

Библиотека

Библиотеката на Институтот за математика го опслужува наставниот кадар на Факутетот, студентите, како и ученици и други корисници на информации. Библиотеката обезбедува материјали и услуги за поддршка на академските програми во склопот на наставата што се држи на трите циклуси на ИМ. Таа поседува околу 25000 книги, 600 наслови на периодични списанија (околу 65000 примероци). Списанијата се комплетно внесени во електронската база на COBISS.

Сигнатура на книгите

Во првите 20 години од своето постоење, сигнатурата на книгите во Библиотеката беше вршена според следнава класифијација на области:

A - Аритметика
AG - Аналитичка геометрија
AL - Алгебра
AS - Астрономија
DC - Детерминанти и матрици
DG - Диференцијална геометрија
DJ - Диференцијални равенки
DI - Диференцирање и интегрирање
EA - Елементарна алгебра
EG - Елементарна геометрија
EM - Елементарна математика
ER - Енциклопедии и речници
G - Геометрија
H - Историја на математиката
K - Колекции
KN -Нумеричка анализа
M - Механика
MF - Математика - општа
NG - Нацртна геометрија
O - Општо
SD - Колекција
IISF - Специјални функции
R - Друго
T - Таблици
TB - Теорија на броеви
TF - Теорија на функции
V - Веројатност
Z - Збирки задачи

По тој период, сигнатурата на книгите е внесувана според нивниот формат (димензии). Периодичните списанија имаат сигнатура според државата и форматот.

Услуги

Услугите на Библиотеката на математика се главно резервирани за студентите и за наставниот кадар на Природно-математичкиот факултет, но нејзините услуги и простории ги користат и студенти од други факултети. Во склоп на Библиотеката е и читална со 50 места, како и интернет пристап (2 компјутери).

Работното време на Библиотеката е од 8:00 до 15:30 часот секој работен ден.

Библиотекар: М-р Милена Кузманоска
тел. + 389 2 3249 658
e-mail. milenak@pmf.ukim.mk

Библиотекарот ќе Ви помогне околу литературата којашто сакате да ја консултирате, како и во пронаоѓањето информации во електронската документација.

Меѓу литературата која се препорачува на студентите за време на студирањето има и учебници од домашни автори (види Учебници).

Библиотеката ги нуди следните услуги: позајмување книги, позајмување списанија, набавување статии, давање информации, активности околу техничката изработка на публикациите од издавачката дејност на ИМ, како и размена на списанијата од оваа дејност (види Публикации).

Електронски извори

Електронските извори вклучуваат online каталог којшто е поврзан со повеќе библиотечни мрежи. Студентите имаат пристап до други библиотеки, а посебно со Националната и универзитетска библиотека "Св. Климент Охридски" во Скопје. Можете и самите да го пребарувате

Библиотечниот информациски систем.

Електронска математичка библиотека