Завод за алгебра и геометрија
|
Координатор:
Членови:
Историја
Заводот за алгебра и геометрија постои подолг период. Во рамките на Математичкиот факултет (1977-1984) постоеше Институт за алгебра и геометрија (Институт I), формиран на почетокот на 1980 година, заедно со другите два Института. Со преоѓањето на дел од наставниот кадар на Природно-математичкиот факултет во 1985 година, во Институтот за математика беше направена поделба на Завод за анализа и Завод за геометрија и топологија. Со Статутот на ПМФ од 8.11.2001 година на Институтот за математика се формираа 5 заводи, меѓу кои и Заводот за алгебра и геометрија. Главната дејност на Заводот за алгебра и геометрија е: одржување на настава по предмети од областите алгебра, геометрија и методика на наставата по математика и научна работа на неговите членови од соодветните области. Наставата од областа на алгебрата и геометријата опфаќа голем дел од вкупниот број на предмети од првиот циклус студии на Институтот за математика, како и на двопредметните студии по математика-физика. Тука спаѓаат предметите: множества и логика, алгебра 1, алгебра 2 и алгебра 3, линеарна алгебра 1 и линеарна алгебра 2, теорија на броеви, криптографија, геометрија, геометриски трансформации, векторска алгебра, аналитичка геометрија, проективна геометрија, диференцијална геометрија, нацртна геометрија, одбрани делови од геометрија и други, како и предмети од наставата на вториот циклус студии. Предметите од областа на алгебрата и геометријата се најчесто основа за изучување на голем број од останатите математички дисциплини. Наставата по математика во основните и средните училишта се состои главно од алгебра и геометрија, па затоа и студентите од наставната насока и од двопредметните студии по математика-физика, во најголем дел ги изучуваат овие дисциплини. Заводот има задача да предлага: комисии за оценка и одбрана на магистерски и докторски дисертации од соодветните области, комисии за избор и преизбор на наставници и соработници, да предлага наставни планови и програми, да организира семинари, предавања како и да учествува со свои предлози во разрешувањата на други прашања од дејноста на Институтот.
|
Семинари
Научни трудови по алгебра во Република Македонија, 1950-2007
Во рамките на проектите Алгебарски структури и Векторско вредносни структури (МАНУ, раководител: акад. Ѓорѓи Чупона) се работеше на Развојот на алгебрата во Република Македонија во периодот 1950-2007 година. Се изработи Библиографија од сите научни трудови по алгебра објавени во научни списанија во периодот од 1950 до 2007 година, од автори коишто работеле на универзитетите во република Македонија, пред се' на универзитетот "Св. Кирил и Методиј" во Скопје. Собрани се сите трудови и уредени во тритомното издание со наслов Научни трудови по алгебра во Република Македонија, 1950-2007.
Уредувачки одбор: Ѓорѓи Чупона (раководител на проектите) Наум Целкоски Дончо Димовски Биљана Јанева Смиле Марковски Техничка обработка: Весна Целакоска-Јорданова Валентина Миовска Ѓорѓи Маркоски Издавач: МАНУ ISBN 978-9989-101-91-5 НАУЧНИ ТРУДОВИ 1950-1960 1961-1970 1971-1980 1981-1990 1991-2000 2001-2007 |
Copyright © 2015 ИМ-ПМФ