Проф. д-р Даница Перчинкова
Проф. д-р Даница Перчинкова е родена на 15 април 1925 г. во Ваташа, Кавадеречко, а починала во 2002 година во Скопје. Основно училиште завршила во родното место, агимназија учела во Кавадарци и Скопје. Матурирала во Кавадарци во 1944 г. По завршувањето на гимназијата, две години работела како учителка во околината на Кавадарци, а од 8 јуни до 1 декември 1946 г. била службеник при Претседателството на Владата на НРМ. Потоа се запишала на студии како редовен студент во првата генерација на студенти на Филозофскиот факултет (група за математика). Дипломирала на 30 септември 1950 г. со општ среден успех 9,25. Од 28 мај 1947 до 30 октомври 1950, била демонстратор (лаборант) при Катедрата за математика. Веднаш по дипломирањето е избрана за асистент на Катедрата за математика на Филозофскиот факултет во Скопје. Станала доцент во 1959, вонреден професор во 1965, а редовен професор во 1971 г. (до пензионирањето во 1975 г.). нејзиниот хабилитационен труд, примен од факултетската управа на Филозофскиот факултет во Скопје на 28 декември 1957 г., носи наслов Прилог кон интеграцијата на диференцијалните равенки, а дисертациониот труд (одбранет на 20 мај 1963 г.) има наслов Прилог кон изучувањето на хомогените проблеми со сопствени вредности при обичните линеарни диференцијални равенки. Била на студиски престои на Електротехничкиот факултет во Белград, во Институтот "Анри Поенкаре" во Париз и на Природно-математичкиот факултет во Париз.
Како наставник држела предавања по предметите: диференцијални равенки, диференцијално и интегрално сметање, увод во виша математика и математички семинар.
Одликувана е со орден на трудот од трет ред и орден на трудот со златен венец, а има добиено и плакети од Универзитетот "Св. Кирил и Методиј" (1979 г.) и ПМФ (1986 г.). Добила и повеќе повелби: по повод 30-годишниот јубилеј на ДМФАЈ, по повод 30-годишнината на ДМ НРМ и други. Во светската едиција "Која е која од жените во светот" (Меѓународен биографски центар Кембриџ, Англија) е дадена нејзината куса биографија (во третот издание од 1976 г., на стр. 665 и во четвртото издание од 1978 г. на стр. 907).
Како наставник држела предавања по предметите: диференцијални равенки, диференцијално и интегрално сметање, увод во виша математика и математички семинар.
Одликувана е со орден на трудот од трет ред и орден на трудот со златен венец, а има добиено и плакети од Универзитетот "Св. Кирил и Методиј" (1979 г.) и ПМФ (1986 г.). Добила и повеќе повелби: по повод 30-годишниот јубилеј на ДМФАЈ, по повод 30-годишнината на ДМ НРМ и други. Во светската едиција "Која е која од жените во светот" (Меѓународен биографски центар Кембриџ, Англија) е дадена нејзината куса биографија (во третот издание од 1976 г., на стр. 665 и во четвртото издание од 1978 г. на стр. 907).
Copyright © 2015 ИМ-ПМФ
