Проф. д-р Магдалена Георгиева
Д-р Магдалена Георгиева, редовен професор, е родена на 16 јуни 1945 година во Титов Велес. Основно училиште и гимназија завршила во Скопје, со одличен успех. Во академската 1964/1965 година се запишала на студии по математика на Природно-математичкиот факултет во Скопје, каде што дипломирала во јуни 1968 година. Магистрирала на математичкиот факултет во Скопје во 1978 година на тема „Некои проблеми на теоријата на масовно опслужување од типот M/G/1“. Докторската дисертација „За некои системи за масовно опслужување со неординарен влезен поток“ ја одбранила во 1992 година, со што се стекнала со звањето доктор на математички науки. Специјализација имала преку тримесечен престој на Природно-математичкиот факултет во Белград во 1972 год. и преку учеството на Меѓународната летна школа за веројатност и статистика во Варна, Бугарија, во 1978 година. Во јануари 1969 година била избрана за асистент на Институтот за математика при ПМФ во Скопје. Во 1979 година е избрана за предавач на Математичкиот факултет, а во 1984 година е унапредена во звањето виш предавач. Во 1993 година е избрана за вонреден професор на Институтот за информатика, а во 1998 е унапредена во звањето редовен професор. Во 2003 година е избреана во истото звање. Држела настава по предметите: теорија на веројатност, математичка статистика, теорија на информации, одбрани делови од статисктика, математички методи во хемија, статистички методи во метеорологијата, аналитичка геометрија, вектори и матрици, линеарна алгебра, математичка статистика со операциони истражувања.
Била член на Државниот совет за статистика, член на Колисијата за наставна програма за гимназиско образование (2001-2005), член на Државната комисија за матурски испити по математика при МОН, член на уредувачкиот одбор на Математички билтен (списание на СМИМ) и член на уредувачкиот одбор за математика при „Просветно дело“. Била претседател на Сојузот на математичарите и информатичарите на Македонија, а била и член на Здружението на информатичарите на Македонија. Во периодот 1976-1977 година била продекан на Факултетот за математика, во периодот од 1993-1995, 1997-1999 и 2004-2007 год. била продекан за финансии на ПМФ, а од 1999 до 2001 била декан на ПМФ. Почина на 17 јануари 2022 година во Скопје.
Била член на Државниот совет за статистика, член на Колисијата за наставна програма за гимназиско образование (2001-2005), член на Државната комисија за матурски испити по математика при МОН, член на уредувачкиот одбор на Математички билтен (списание на СМИМ) и член на уредувачкиот одбор за математика при „Просветно дело“. Била претседател на Сојузот на математичарите и информатичарите на Македонија, а била и член на Здружението на информатичарите на Македонија. Во периодот 1976-1977 година била продекан на Факултетот за математика, во периодот од 1993-1995, 1997-1999 и 2004-2007 год. била продекан за финансии на ПМФ, а од 1999 до 2001 била декан на ПМФ. Почина на 17 јануари 2022 година во Скопје.
Copyright © 2015 ИМ-ПМФ
