Почетна > Наука > Конференции > Семинар „Математика и примени“ > Втор семинар „Математика и примени“
Втор семинар „Математика и примени“, 6-7 декември 2017
|
Почитувани,
Ве информираме дека ја објавивме новата научно-популарна публикација во рамки на едицијата Математички омнибус - Книга 4: Трудови за наставата по математика од Вториот семинар „Математика и примени“ кон која може да пристапите преку следниот линк http://im-pmf.weebly.com/matematicki-omnibus-kniga-4.html Уредниците на книгата ја користат оваа прилика да им заблагодарат на авторите и рецензентите за одличната соработа за време на создавањето на оваа книга. Од Уредниците Проф. д-р Весна Целакоска - Јорданова Проф. д-р Ирена Стојковска 24.09.2018 Почитувани,
Ве информираме дека ја објавивме новата научно-популарна публикација во рамки на едицијата Математички омнибус - Книга 3: Научно-популарни трудови од Вториот семинар „Математика и примени“ кон која може да пристапите преку следниот линк http://im-pmf.weebly.com/matematicki-omnibus-kniga-3.html Уредниците на книгата ја користат оваа прилика да им заблагодарат на авторите и рецензентите за одличната соработа за време на создавањето на оваа книга. Од Уредниците Проф. д-р Весна Целакоска - Јорданова Проф. д-р Ирена Стојковска 29.08.2018 Почитувани,
Ве известуваме дека презентациите, завршната листа на учесници и фотографиите од Вториот семинар „Математика и примени“ кој се одржа на 6-7 декември 2017 година може да ги најдете на следните линкови:
Во план е објава на статии со содржини презентирани на Семинарот. Статиите ќе бидат објавувани на порталот ПОИМ и во печатено издание од едицијата Математички омнибус. До следното видување останете ни во добро здравје и залагајте се за почитување и практикување на математиката во Вашата блиска и поширока околина! Со почит, Координаторите на Семинарот 18.12.2017 Драги учесници на Семинарот,
Ви заблагодаруваме за вашиот интерес и присуство на Вториот семинар „Математика и примени“ кој се одржа на 6 и 7 декември 2017 година на Институтот за математика при Природно-математичкиот факултет во Скопје. Се надеваме дека секој од вас си замина со уште едно позитивно искуство, а математиката доби верни следбеници. Во наредниот период, на оваа страница, очекувајте да објавиме линкови до фотографии од Семинарот и линкови до презентации на одржаните предавања на Семинарот. Со почит, Координаторите на Семинарот 07.12.2017
С О О П Ш Т Е Н И Е
(04.12.2017) Почитувани учесници на Семинарот, Ве известуваме дека планираните термини за регистрација на посетителите за време на одржување на Семинарот најавени со Програмата, термините од 9 до 10 часот во секој од двата дена на одржување на Семинарот, ги прошируваме со додавање на два нови дополнителни термини за време на паузите меѓу сесиите. Значи, посетителите на Семинарот ќе може да го регистрираат своето писутво во следниве термини:
Местото за регистрација ќе биде во холот пред Математичкиот амфитеатар. Со почит, Координаторите на Семинарот С О О П Ш Т Е Н И Е
(03.12.2017) Почитувани колеги и учесници на Семинарот, На следниот линк може да пристапите кон Книгата со апстракти на Вториот семинар „Математика и примени“, 6-7 декември 2017 година:
Со почит, Координаторите на Семинарот С О О П Ш Т Е Н И Е(30.11.2017)
Почитувани колеги и учесници на Семинарот, На следниот линк може да пристапите кон Програмата на Вториот семинар „Математика и примени“, 6-7 декември 2017 година: како и до листата на регистрирани учесници. Апстрактите на предавањата ќе бидат наскоро објавени. Воедно Ве потсетуваме дека 3 декември 2017 година е крајниот рок за on-line регистрација за учество на Семинарот. Со почит, Координаторите на Семинарот С О О П Ш Т Е Н И Е
(09.10.2017) Почитувани колеги, соработници и студенти, Ви го најавуваме Вториот семинар „Математика и примени“ кој ќе се одржи на 6 и 7 декември 2017 година, на Институтот за математика при Природно-математичкиот факултет во Скопје. И овогодишните цели на Семинарот се: промовирање на математичките науки меѓу младите, математичка наобразба на јавноста, преглед на досегашните достигнувања во математичките науки и нејзините примени, насоки и можности за идни истражувања. Предавањата на Семинарот ќе бидат научно-популарни предавања од чистата и применета математика, како и предавања за изведувањето настава по математика во основно и средно училиште. Работата на Семинарот ќе биде јавна и отворена. На Семинарот може да учествуваат како предавачи или слушатели униврзитетските наставници, наставниците во средните и основните училишта, студентите, учениците, претставниците од индустрискиот сектор. Вашето присуство задолжително треба да го најавите најдоцна до 3 декември 2017 година со пополнување на контакт формата за регистрација на следниот линк: http://im-pmf.weebly.com/vtor-seminar-matematika-i-primeni-registracija.html Учесниците на семинарот (предавачи и слушатели) ќе добијат сертификат за учество. Заинтересираните предавачи на Семинарот, треба да пратат предлог наслов и апстракт од предавањето, најдоцна до 25 ноември 2017 година, на адреса: проф. д-р Ирена Стојковска ([email protected], [email protected]) или на: проф. д-р Весна Целакоска-Јорданова ([email protected]). Должината на секое поединечно предавање на Семинарот е 20 или 30 минути. Урнекот за апстрактот, кој треба да ни го пратите, може да го симнете одовде: urnek_za_apstrakt_mip2017-1.doc. Авторите на изложените предавањата на Семинарот ќе имат можност да ги објават трудовите на математичкиот портал на Институтот за математика - ПОИМ или во печатено издание од едицијата Математички омнибус со трудови презентирани на семинарот. Трудовите за објавување во печатеното издание треба да се пратат најдоцна до 31 јануари 2018 година, на адреса: проф. д-р Ирена Стојковска ([email protected], [email protected]) или на: проф. д-р Весна Целакоска-Јорданова ([email protected]). Урнекот за трудот може да го симнете одовде: urnek_za_trud_mip2017-1.doc. Ве покануваме да учествувате на Семинарот, било како предавач, било како слушател, за заедно да и' оддадеме признание на математичката традиција во Македонија, но и на математиката и нејзината примена во науките, технологијата, природата, културата, наставата и животот воопшто. Со почит, Координаторите на Семинарот Проф. д-р Ирена Стојковска ([email protected], [email protected]) Проф. д-р Весна Целакоска-Јорданова ([email protected]) Ас. м-р Марко Димовски (mdimovski16@gmail.com) Претходни семинари „Математика и примени“:Работилницa, претходник на семинарите „Математика и примени“:
|
Важни датуми:
25 ноември 2017 - краен рок за поднесување апстракти. 3 декември 2017 - краен рок за on-line регистрација за учество на Семинарот. РЕГИСТРАЦИЈАТА ЗАВРШИ 6-7 декември 2017 - денови на одржување на Семинарот 31 јануари 2018 - краен рок за праќање на трудови од предавањата за објавување во печатено издание од едицијата Математички омнибус. Главен координатор: Проф. д-р Ирена Стојковска Координатори: Проф. д-р Весна Целакоска-Јорданова Ас. м-р Марко Димовски |
Copyright © 2015 ИМ-ПМФ
